[Español ]
Marmitakoa, hasiera batean, euskal kostaldeko plater tipikoa da. Zatitutako hegaluze gorpua gisatzen da, patatekin, tipularekin, piperrekin eta tomatearekin, batez ere, eta buztinezko kazola batean bero zerbitzatzen da. Marmita batean prestatzen zen, eta errezeta bat bada ere, gero pertsona bakoitzak bere ukitua ematen dio. «Marmitako» hitzak hitzez hitz «de la marmita» esan nahi du euskaraz.
Quorn-arekin egindako bertsio begano hau marmitako tradizionalean bezala prestatzen da, baina hegaluze gorpuaren ordez honako quorn barietate hau erabiliko dugu (jada zatitua dator kubitotan).
Osagaiak 4 errazio oparoentzat (kantitate orientagarriak beti. Gero, bakoitzaren gustuaren araberakoa da):
- Quorn (250 g-ko bi poltsa)
- Patatak (4-5 patata ederrak)
- Tipula (2 tipula eder, hobe gorriak)
- Porrua (porru baten zati zuria)
- Piper berdea (2 edo 3 piper berde)
- Tomate frijitua (300 g-ko pote bat)
- Ura edo landare-salda
- OOBE
Aukerakoak:
- Kombu edo Nori alga zatia deshidratatua
- Piper txorizero bat edo bi, edo piper txorizeroaren mamia
- Ardo zuri beganoa (txakolin beganoa hobeto lortzen badugu)
- Baratxuria
- Findu gabeko itsas gatza
Quorn zatituta.
Prozedura:
- Potxatu tipulak (xehe-xehe eginda) zartagin edo kazola batean.
- Piper berdeak (xehe-xehe eginda) poliki potxatu beste zartaginean, edo tipulei gehitu garden daudenean, eta potxatu poliki.
- Lapiko edo marmita batean, berotu ura edo barazki-salda, eta, ondoren, gehitu patata zurituak eta zatituak (kraskatuta), porruarekin batera, eta egosi (zati likidoak dena estali behar du).
- Egosi edo pixka bat urritu tomate frijitua (edo tomate frijitua guk geuk nahi dugun bezala egin)
- Patatak egosita daudenean, gehitu tipula potxatuak, piper berde potxatuak, tomate frijitua, OOBE txorrotada bat, zuzendu gatza (algak, erabiltzen badugu, gatz pixka bat ematen du) eta jarraitu pixka batean su ertainean egosten. Gero Quorn gehitu eta egosten jarraitu 15 bat minutuz.
- Zerbitzatu buztinezko lapikoan (aukerakoa).
Aukerak:
- Alga deshidratatua. Itsas zaporearen ukitu handiagoa emango dio. Birhidratatu aurretik eta bota hidratatutako zati osoa patatak egosten diren bitartean. Gero atera zerbitzatu aurretik.
- Piper txorizeroa. Ukitu ona ematen dio. Gomendagarria. Barruko mamia (deshidratatuta badago, birhidratatu egin behar da) edo potoan erositako mami pixka bat (koilarakada pare bat) erabiliko dugu.
- Ardo zuria beganoa (ardo guztiak ez dira beganoak. Ikusi Bernivore). Gehitu zurrustatxo bat egosketari beste osagairekin batera.
- Baratxuria. Xehe-xehe eginda, gehitu tipulari, leuntzen ari den bitartean.
- Gatza. Norberaren gustura.
Erraza, ez? Interneten marmitako begano errezeta ezberdin gehiago daude. Hemen uzten dizuet ondo landutako eta esplikatutako bat, kasu honetan tofu-rekin eginda (HEMEN klikatu)
On egin! Go Vegan.