[Español]
“ANGULA” BEGANOAK BARATXURI ERARA
Angulen (aingiren seme-alabak) errezeta hau euskal sukaldaritzako plater tradizional bat zen, data seinalatuetan prestatzen zena (Gabonetan, etab.).
XIX. mendearen amaieran eta XX. mendean zehar, angulen kontsumoa nahiko zabalduta zegoen. Udazkenean eta neguan zehar angulariak galbaheekin edo tranpekin harrapatzen ziren zenbait ibairen ertzetan. Gaur egun, kutsadura, arrantza eta abarren ondorioz, angulen populazioa izugarri murriztu da, ia desagertu arte.
Bertsio alternatibo honek errezeta tradizionalaren (angulak bilboko erara edo angulak berakatz erara) antzeko emaitza ematen du, eta ez du inolako inbidiarik izan behar. Gainera, ez dugu animaliarik hil behar lurrak ematen digun jaki honekin gozatzeko. Osagai nagusia onddo edo kardu-ziza-ren enborra da (kardu-ziza gezurrezko onddoa gisa ezagutzen da, eta urtean zehar benetako onddoa baino merkeagoa eta eskuragarriagoa da).
Osagaiak:
- Kardu-zizak (bi edo hiru mahaikide bakoitzeko. Gero dezente txikitzen dira)
- Baratxuria (ale pare bat)
- Pipermin gorri lehorra
- Oliba olioa birjina estra
- Gatza, norberaren gustura.
Prestaketa:
- Garbitu kardu-zizen edo onddoen zikinkeriak. Kendu kapela (gorde beste errezeta batzuetarako). Enborra luzetara laminatu/xerratu (puntu honetan, damutzen bagara, errezeta alda dezakegu eta “Vegalomo” bikain batzuk presta dezakegu. Internet-en errezetak), eta gero enborreko xaflak luzetara tira finetan moztu.
 |
 |
 |
 |
 |
- Baratxuriak laminatu eta pipermin gorri pixka bat zatitzea. Urreztatu baratxuriak zartagin batean oliba olioarekin. Bakoitzaren gustura urreztatuta daudenean (ez gehiegi), gehitu pipermin zatiak, eta gehitu kardu-zizen edo onddoen moztutako tirak. Salteatu eta eragin su ertainean. Gehitu eta zuzendu gatza salteatu bitartean.
 |
 |
 |
 |
- Buztinezko lapiko bero batean aurkeztuko dugu.
Gozatu!
Go Vegan!